У Беларусі закрываюць Нацыянальны мастацкі музей

Частку карцін перавезуць.

У другой палове 2026 года галоўны корпус Нацыянальнага мастацкага музея плануюць закрыць на рэканструкцыю. Некаторыя карціны часова пераедуць у іншыя ўстановы, а некаторыя не пакажуць да адкрыцця.

Пра гэта паведаміла генеральная дырэктарка музея Ірына Мацяс у праграме на дзяржаўным канале АНТ. Паводле яе слоў, дакладная дата будзе залежаць ад афармлення праекта, дакументаў, але папярэдне закрыццё галерэй установы для наведвання адбудзецца ў чэрвені.

«Мы гэта яшчэ будзем анансаваць, канечне, будзем ладзіць развітанне з працамі, выстаўленымі ў музеі, — сказала яна. — Я сапраўды прапаную наведвальнікам да чэрвеня, пакуль ёсць магчымасць, прыходзіць і атрымліваць асалоду».

Плануецца, што рэканструкцыя працягнецца да канца 2027 года. Некаторыя творы часова «пераедуць» у іншыя музеі, у тым ліку рэгіянальныя.

«Не ўсе працы будуць схаваныя, частка прац пераедзе ў прыбудову, нешта будзем паказваць на выставах. Але, вядома, большая частка класічных твораў рускага мастацтва адыдзе са сцэны на часовы адпачынак», — адзначыла Мацяс.

Нагадаем, у красавіку ў Нацыянальны мастацкі музей прывезуць адну з самых вядомых карцін Марка Шагала «Шпацыр».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com