Банкаматы аднаго з беларускіх банкаў перасталі прымаць купюры па 5 рублёў

У прэс-службе далі дзіўнае тлумачэнне.

Банкаматы аднаго з буйных беларускіх банкаў — Сбер Банка — на гэтым тыдні па ўсёй краіне перасталі прымаць купюры наміналам 5 рублёў, піша «Тэлеграф».

У прэс-службе патлумачылі, што папаўненне картак дробнымі банкнотамі часова абмежавалі і далі спіс адрасоў, куды беларусам пакуль не варта ісці з такой «дробяззю».

У прэс-службе Сбер Банка патлумачылі, што папаўненне банкаўскіх картак праз банкаматы пяцёркамі «тэхнічна абмежавалі» для таго, каб скараціць час абслугоўвання аднаго кліента ў моманты пікавай нагрузкі на прылады і падтрымаць іх стабільную працу.

«Абмежаванне носіць часовы характар», — запэўнілі ў банку, але не ўдакладнілі, як хутка плануюць зняць свае «тэхнічныя абмежаванні».

Пакуль жа кліентам банка, якія хочуць папоўніць картку праз банкамат, але маюць на руках толькі дробныя купюры, лепш звярыцца са спісам ніжэй, перш чым ісці да найбліжэйшага банкамата. Вось дзе на дадзены момант банкаматы Сбер Банка не прымаюць пяцёркі:

Баранавічы, вул. Гагарына, 29,

Бабруйск, вул. Сацыялістычная, 123-55,

Барысаў, пр-т Рэвалюцыі, 56,

Брэст, Варшаўская шаша, 43,

Віцебск, вул. Леніна, 26,

Гомель, вул. Інтэрнацыянальная, 13,

Жодзіна, вул. 50 гадоў Кастрычніка, 33А,

Мінск, пр-т Дзяржынскага, 119,

Маладзечна, вул. Вялікі Гасцінец, 143Б,

Рэчыца, вул. Урыцкага, 19А,

Слуцк, вул. Леніна, 136,

Смалявічы, вул. Працоўная, 18,

Салігорск, вул. Заслонава, 34А.

У банку папярэдзілі, што будуць абнаўляць гэты спіс па меры зняцця абмежаванняў, таму лепш за ўсё звяраць дадзеныя на сайце самога Сбер Банка па спасылцы або ўдакладняць інфармацыю па канкрэтным адрасе ў кол-цэнтры па нумары 148 ці ў саміх аддзяленнях банка.

Абмежаванняў на прыём купюр любога наміналу ў аддзяленнях разлікова-касавога абслугоўвання Сбер Банк не ўводзіў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com