Сяргей Ціханоўскі разам з дзецьмі пераехаў у ЗША

Офіс Ціханоўскай пракаментаваў гэтую інфармацыю.

Беларускі рэжысёр Андрэй Курэйчык у стрыме распавёў, што былы палітвязень Сяргей Ціханоўскі цяпер вучыцца ў ЗША, і іх са Святланай дзеці жывуць там разам з ім.

«Вучыцца Сяргей у Маямі. Забраў туды дзяцей, яны пайшлі ў школу», — заявіў Курэйчык.

Святлана Ціханоўская каротка пракаментавала словы Курэйчыка:

«Сяргей сапраўды знаходзіцца ў ЗША, навучаецца на курсах англійскай мовы. А наконт дзяцей я не даю каментарыяў з меркаванняў бяспекі», — сказала яна «Зеркалу».

Пазней дарадца Ціханоўскай Дзяніс Кучынскі прывёў яе больш падрабязны каментар:

«Не, дзеці не пераехалі ў ЗША, а знаходзяцца там часова. На дадзены момант мы вырашаем пытанні бяспекі і арганізацыі працы офіса. Таму ў сям'і мы прынялі рашэнне, што пакуль дзеці будуць знаходзіцца з татам. Ён цяпер вучыць англійскую мову і працягвае сваю актыўнасць у ЗША. Пры гэтым мой графік афіцыйных візітаў і сустрэч вы ведаеце, а Сяргей даўно не бачыў дзяцей і цяпер можа праводзіць з імі дастаткова часу», — перадаў словы Ціханоўскай Кучынскі.

У Ціханоўскіх двое дзяцей — сын Карней і дачка Агнія.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com