Шаранговіч адкрыў лік і дапамог «Калгары» абыграць «Айлендэрс»

Беларускі форвард закінуў 10-ю шайбу ў сезоне.

У матчы рэгулярнага чэмпіянату НХЛ «Калгары Флэймз» на хатнім лёдзе перайгралі «Нью-Ёрк Айлендэрс» з лікам 4:2, паведамляе belarushockey.com.

27-гадовы беларускі нападнік «Калгары» Ягор Шаранговіч дзейнічаў на левым фланзе трэцяга звяна, дзе яго партнёрамі сталі Мікаэль Баклунд і Мэт Кароната.

На 12-й хвіліне сустрэчы Шаранговіч адкрыў лік, закінуўшы сваю 10-ю шайбу ў цяперашнім сезоне.

У складзе пераможцаў таксама адзначыліся Адам Клапка, Джастын Кіркленд і Ян Кузняцоў. У гасцей шайбы закінулі Жан-Габрыэль Пажо і Андэрс Лі.

Шаранговіч правёў на лёдзе 16 хвілін 52 секунды, з іх 2:53 — у большасці. Форвард набраў 1 (1+0) ачко, нанёс шэсць кідкоў па варотах, тры з якіх прайшлі міма мэты, выканаў адзін сілавы прыём, адзін блок-шот і адзін перахоп, завяршыўшы матч з каэфіцыентам карыснасці «–1».

У гэтым сезоне нападнік правёў 44 матчы і набраў 19 (10+9) ачкоў пры каэфіцыенце карыснасці «–13» і шасці хвілінах штрафу. У трох апошніх матчах на яго рахунку 5 (2+3) выніковых ачкоў.

«Калгары» набраў 46 ачкоў пасля 48 сустрэч і падняўся на 12-е месца ў Заходняй канферэнцыі. Наступны матч каманда Раяна Хускі правядзе 20 студзеня дома супраць «Нью-Джэрсі Дэвілз». Пачатак сустрэчы — а 05:00 па мінскім часе.

Калгары – Айлендэрс – 4:2 (1:0, 3:1, 0:1)

1:0 – 11 Шаранговіч (Баль, Андэрсан)

2:0 – 23 Клапка (Фрост, Баль)

3:0 – 29 Кіркленд (Клапка, Ломберг)

4:0 – 31 Кузняцоў (Зары, Кадры)

4:1 – 32 Пажо (Хольмстрэм, Шэфер)

4:2 – 57 Лі (Шэфер, Рыччы)

Брамнікі: Вульф 28/30 – Рытціх 15/19.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com