У Беларусі забаранілі расійскія джэмы

Што з імі не так?

У Беларусі забаранілі некалькі джэмаў гандлёвай маркі «Прошу к столу!» расійскай вытворчасці — клубнічны, вішнёвы і абрыкосавы. Яны трапілі ў рэестр небяспечнай прадукцыі, цяпер іх забаронена ўвозіць у краіну і прадаваць на яе тэрыторыі.

Мова пра джэмы, вырабленыя расійскай кампаніяй ТАА «Адельдан» па заказе кампаніі ТАА «Гандлёвы дом Прошу к столу» — гэта аптовы пастаўшчык кансерваў па ўсёй Расіі. У Беларусь іх пастаўляе баранавіцкая кампанія «Імпэкспрод».

Прычына забароны — неадпаведнасць патрабаванням тэхнічных рэгламентаў Мытнага саюза «Аб бяспецы харчовай прадукцыі». У выніку выпрабаванняў у гэтых прадуктах выявілі незаяўленыя і недапушчальныя дабаўкі — кансервант сарбінавая кіслата і некалькі фарбавальнікаў.

Таксама ў маркіроўцы няма надпісу «Утрымлівае фарбавальнік, які можа негатыўна ўплываць на актыўнасць і ўвагу дзяцей» і інфармацыі пра тое, ці стэрылізаваная прадукцыя (паводле інфармацыі вытворцы, стэрылізаваная).

З 14 студзеня 2026 года іх забаронена ўвозіць і прадаваць у Беларусі, а ўжо ўвезеныя трэба із'яць з абарачэння.

Пад аналагічную забарону трапілі таксама вішнёвае павідла, персікавае, вішнёвае і чорнасмародзінавае варэнне гэтага вытворцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com