Беларусаў папярэдзілі пра наймацнейшую магнітную буру

Яна абрынецца на Зямлю 20 студзеня.

Астраномы папярэджваюць пра моцную магнітную буру, адпаведную заяву зрабілі ў Лабараторыі сонечнай астранаміі Інстытута касмічных даследаванняў РАН.

Адчувальней за ўсё «ўдарыць» апоўдні ў аўторак, 20 студзеня.

Наступствы буры працягнуцца і ў ноч на сераду.

Адкуль узялася магнітная бура

Усё пачалося з першай у 2026-м успышкі на Сонцы класа X (моцная).

Яна адбылася ў нядзелю, 18 студзеня, і дасягнула свайго піку каля 21:09 па Мінску.

– Выбух даволі буйны, у яго, па сутнасці, была задзейнічана ўся цэнтральная вобласць Сонца памерам каля паўмільёна кіламетраў, – адзначылі ў Лабараторыі.

Выкід плазмы вельмі хутка ляцеў у бок Зямлі, з чаго вучоныя зрабілі выснову: воблака плазмы ўдарыць па Зямлі ў аўторак, 20 студзеня, прыкладна ў сярэдзіне дня.

– Момант удару па Зямлі будзе суправаджацца моцнымі геамагнітнымі ўзрушэннямі ўзроўню да G4. Верагоднасць магнітных бур найвышэйшага, 5-га ўзроўню, складае каля 10%, – распавялі астранамы.

У ноч з аўторка на сераду, 20–21 студзеня, вучоныя чакаюць моцныя паўночныя ззянні. Іх праявы расіяне змогуць назіраць амаль на ўсёй тэрыторыі краіны.

Як засцерагчыся ад магнітных бур?

Сімптомы ў людзей падчас магнітных бур індывідуальныя, але часцей сустракаюцца такія: галаўны боль, галавакружэнне, павышэнне ціску, агульная слабасць, боль у цягліцах і суставах, ламанне ў касцях, парушэнне сну, трывожнасць.

Каб зменшыць негатыўны ўплыў празмернай сонечнай актыўнасці на арганізм, рэкамендуецца прытрымлівацца наступных правілаў:

- пазбягаць стрэсу, пераахаладжэння і перагрэву

- піць дастаткова вады, прымаць вітаміны

- захоўваць рэжым сну і адпачынку

- выконваць лёгкія фізічныя практыкаванні

- пазбягаць курэння і алкаголю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com