У Беларусі з'явіцца першы крыптабанк?

Яго збіраецца стварыць кампанія Whitebird.

Беларуская кампанія Whitebird плануе стварыць новую юрыдычную асобу і зарэгістраваць яе ў якасці першага ў краіне крыптабанка. Гэта будзе спрыяць развіццю фінансавай інфраструктуры і лічбавай эканомікі Беларусі, лічаць у арганізацыі.

«Група мае намер дыверсіфікаваць напрамкі сваёй дзейнасці, выбудоўваючы больш цесную інтэграцыю з фінтэх-кампаніямі, банкамі і арганізацыямі гандлю», — адзначаецца ў прэс-рэлізе Whitebird.

На першым этапе Whitebird засяродзіцца на выпуску крыптакарт, адкрыцці і абслугоўванні рахункаў, а таксама на запуску крыптаэквайрынгавых сэрвісаў. У далейшым кампанія плануе выдаваць пазыкі ў крыптавалюце, прыцягваць крыптавалюты ў дэпазіты, рэалізоўваць інвестыцыйныя праекты і аказваць паслугі давернага кіравання крыптавалютай.

16 студзеня Лукашэнка падпісаў указ, які дазваляе адкрываць у краіне крыптабанкі. Такая крэдытная арганізацыя павінна мець статус рэзідэнта Парка высокіх тэхналогій (там дзейнічае спецыяльны прававы рэжым, які дазваляе аперацыі з лічбавымі актывамі) і быць уключанай у рэестр Нацыянальнага банка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com