РФ можа ўзброіць Беларусь новымі ядзернымі ракетамі для «Паланэзаў»

Рэжым Лукашэнкі і расіяне адпрацоўвалі алгарытм ужывання ядзернай зброі.

Расіяне ствараюць ядзерную баявую частку для беларускага аператыўна-тактычнага ракетнага комплексу «Паланэз». Пра гэта паведаміў украінскі партал «Мілітарны».

Выданне піша, што так званы кіраўнік камісіі «палаткі» па нацыянальнай бяспецы Генадзь Лепешка распавёў мясцовым прапагандыстам пра распрацоўку ў РФ новага тыпу зараду для ракетнага комплексу.

Таксама ён заявіў, што падчас вучэнняў «Захад» адпрацавалі алгарытм ужывання ядзернай зброі.

«Ідзе гаворка пра авіяцыйныя і ракетныя сістэмы, якія могуць быць патэнцыйнымі носьбітамі ядзернай зброі», — гаворыцца ў артыкуле.

Лепешка таксама сказаў, што вядуцца сумесныя распрацоўкі Расіі і Беларусі, каб «была магчымасць ужывання ядзернай зброі ў тым ліку з «Паланэзаў».

«Паланэз» — гэта кітайскі шматфункцыянальны ракетны комплекс GATSS, адаптаваны на беларускае колавае шасі МЗКТ-7930 «Астролаг». Паводле адкрытых звестак, беларуская армія мае да 10 такіх комплексаў. Пры гэтым ракеты для комплексу — кітайскай вытворчасці.

Комплекс знаходзіцца на ўзбраенні беларускай арміі з 2016 года. За год да гэтага яго прадэманстравалі на вайсковым парадзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com