«ЖЭСу, і вадоканалу, і 115 — ганьба!»

Беларуска па дарозе ў краму правалілася ў адкрыты каналізацыйны калодзеж.

У аўторак, 30 снежня 2025 года, жыхарка Мазыра Кацярына з дзіцём адправілася ў краму. Па дарозе жанчына правалілася ў адкрыты каналізацыйны калодзеж. Выбрацца з яго самастойна яна не змагла — дапамагалі прахожыя. Пра тое, што было далей, гараджанка расказала на сваёй старонцы ў TikTok, заўважыла «Зеркало».

Паводле слоў Кацярыны, інцыдэнт адбыўся недалёка ад дома па адрасе вул. Студэнцкая, 38. Да гэтага ў горадзе выпаў снег, «нават мяцеліца». Па дарозе ў краму жанчына не звярнула ўвагі на прыпарошаны каналізацыйны люк і ступіла на яго. Ён «стаў на рабро», і яна правалілася. Гараджанка кажа, што калодзеж аказаўся глыбокім.

— Прахожыя дапамаглі мне выбрацца. На нагах жудасныя сінякі, — паведаміла жанчына, а пазней у каментарыях прызналася, што яшчэ і моцна спалохалася.

— Такі стрэс перажыла, нікому не пажадаю… Нават ворагу…, — напісала яна.

Пасля інцыдэнту Кацярына патэлефанавала ў 102.

— Міліцыя перадала заяўку ў 115, я патэлефанавала ў 115 (у аварыйную службу), яны сказалі: «Заяўкі на люк не паступала». Кажу: «Дык прымайце заяўку, зрабіце што-небудзь. Прыязджайце, агародзьце». Ніхто не прыехаў. Прайшло ўжо колькі часу, ніхто не збіраецца ехаць.

Не дачакаўшыся дапамогі ад спецыялістаў, жыхары дома вырашылі дзейнічаць самі і агарадзілі небяспечнае месца падручнымі сродкамі. Сярод іх — вядро і каробкі.

— Каб, не дай бог, ніхто не трапіў у адкрыты люк, — рэзюмавала Кацярына.

Сваё відэа яна суправодзіла подпісам: «Вул. Студэнцкая, 38. ЖЭСу, і вадоканалу, і 115 — ганьба!»

@katenak_777 #fyp #безответственность ♬ оригинальный звук - Катеринка)))

За два дні яе ролік паглядзелі больш за 120 тысяч разоў. Пад ім больш за 260 каментарыяў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com