У Польшчы тэрміны разгляду спраў аб відах на жыхарства замарозяць да сакавіка 2027 года

А па міжнароднай абароне — адновяць.

Тэрміны разгляду спраў аб відах на жыхарства ў Польшчы прапануецца замарозіць да 4 сакавіка 2027 года, то бок працягнуць прыпыненне яшчэ на год. А вось для спраў аб міжнароднай абароне «замарозку» працягваць не плануюць. Пра гэта сведчыць апублікаваны праект закона, які рэгулюе дапамогу ўкраінскім уцекачам, паведамляе Most.

Што гаворыцца ў законапраекце

Законапраект чарговы раз замарожвае тэрміны разгляду спраў аб ВНЖ і іншых легалізацыйных працэдурах. Дзяржорганы, як і раней, будуць прымаць і разглядаць заявы, аднак пры гэтым могуць не трымацца ўстаноўленых тэрмінаў. Гэта выключэнне з правілаў было ўведзена на пачатку 2022 года ў сувязі з наплывам украінскіх уцекачоў і неаднаразова падаўжалася. На гэты раз — да 4 сакавіка 2027 года.

Восенню 2025 года аналагічным чынам былі замарожаныя тэрміны разгляду спраў аб міжнароднай абароне. Прыпыненне дзейнічае да 4 сакавіка 2026 года — але падаўжацца не будзе. Такім чынам, Упраўленне па справах замежнікаў зноў павінна будзе выносіць рашэнні на працягу 6 месяцаў, а ў некаторых выпадках — 15 месяцаў.

Што з падаўжэннем дакументаў

З папярэдняга варыянту дакумента вынікала, што дзеянне некаторых віз і відаў на жыхарства (ВНЖ) можа быць падаўжана. Але поўны тэкст паказвае, што гэтая норма датычыць толькі грамадзян Украіны.

Закон уступіць у сілу пасля яго прыняцця парламентам і падпісання прэзідэнтам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com