Буданаў пракаментаваў сваё прызначэнне кіраўніком Офіса Прэзідэнта Украіны

«Працягваю служыць Украіне».

Кіраўнік Галоўнага ўпраўлення разведкі Міністэрства абароны Украіны Кірыл Буданаў прыняў прапанову прэзідэнта Украіны Уладзіміра Зяленскага узначаліць Офіс Прэзідэнта Украіны.

— Прыняў прапанову прэзідэнта Украіны Уладзіміра Зяленскага ўзначаліць Офіс кіраўніка дзяржавы. Працягваю служыць Украіне, — напісаў Буданаў у тэлеграм-канале.

Ён адзначыў, што лічыць пасаду кіраўніка Офіса Прэзідэнта яшчэ адным рубяжом адказнасці перад краінай.

— Для мяне гэта гонар і адказнасць — у гістарычны для Украіны час засяродзіцца на крытычна важных пытаннях стратэгічнай бяспекі нашай дзяржавы. Дзякуй за давер! — падкрэсліў Буданаў.

Ён таксама падзякаваў усім баявым пабрацімам і камандзе ГУР МО Украіны за сумесную працу.

— Нам далей рабіць сваё — біць ворага, абараняць Украіну і працаваць для дасягнення справядлівага міру. Працягваем разам змагацца за свабодную і бяспечную будучыню Украіны! — дадаў новы кіраўнік Офіса Прэзідэнта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com