Кіпр узначаліў Раду ЕС

На бліжэйшыя паўгода.

Кіпр заняў старшынства ў Радзе Еўрапейскага саюза, змяніўшы на гэтай пасадзе Данію. Да 1 ліпеня 2026 года краіна будзе вызначаць парадак дня для палітычных органаў ЕС і адказваць за іх бесперабойную працу.

Сярод прыярытэтаў Кіпра на гэтай пасадзе:

Пашырэнне правоў еўрапейцаў для стварэння спрыяльнага асяроддзя, у якім кожны можа развівацца.

Рэалізацыя Еўрапейскай гарантыі правоў дзіцяці, каб усе дзеці мелі доступ да якаснай адукацыі.

Роўны доступ усіх грамадзян да сістэмы аховы здароўя.

Больш бяспечнае анлайн-асяроддзе для непаўналетніх. У гэтым дапаможа план дзеянняў ЕС па барацьбе з кібербулінгам, які неўзабаве павінен быць прыняты.

Інклюзіўнае грамадства. Ідзе гаворка ў тым ліку пра гендарную роўнасць, ліквідацыю бар'ераў для людзей з інваліднасцю і дапамогу пажылым людзям заставацца актыўнымі і здаровымі.

Асаблівую ўвагу Кіпр плануе надаць фермерам і рыбакам, каб дапамагчы ім знайсці баланс паміж эканамічнай эфектыўнасцю, клопатам пра экалогію і сацыяльнай справядлівасцю.

1 ліпеня 2026 года старшынства ў Радзе ЕС перайдзе да Ірландыі.

Кіпр ужо не ўпершыню займае старшынства ў Радзе Еўрапейскага саюза. Папярэдні раз на гэтай пасадзе ён быў у 2012 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com