Sky News: ЗША захапілі Мадуру ў Венесуэле ў выніку перамоваў

Сярод амерыканскіх вайскоўцаў няма страт.

Інсайдары ў венесуэльскай апазіцыі паведамілі, што захоп прэзідэнта Нікаласа Мадуры быў «узгодненым выхадам». Неназваны амерыканскі чыноўнік заявіў, што сярод вайскоўцаў ЗША не было страт.

Пра тое, што Мадура падчас аперацыі ў Венесуэле быў захоплены ў выніку перамоваў, піша са спасылкай на неназваныя крыніцы Sky News. The New York Times, у сваю чаргу, перадае ананімнае сцверджанне амерыканскага чыноўніка пра тое, што сярод амерыканскіх вайскоўцаў ахвяр не было.

Пры гэтым інсайдар не пракаментаваў страты Венесуэлы.

Прэзідэнт ЗША Дональд Трамп у каментары для NYT адзначыў поспех аперацыі ЗША па захопе Мадуры.

«Шмат добрага планавання, шмат выдатных войскаў і выдатных людзей. Гэта была бліскучая аперацыя, насамрэч», — сказаў амерыканскі лідар.

На пытанне, ці звяртаўся ён па дазвол на ваенную аперацыю ў Венесуэле да Кангрэса ЗША, Трамп паабяцаў адказаць падчас прэс-канферэнцыі ў Мар-а-Лага.

Таксама журналісты NYT адзначылі, што калі заява Трампа пра захоп Мадуры праўдзівая, паводле канстытуцыі Венесуэлы ўлада пяройдзе да віцэ-прэзідэнткі Дэльсі Радрыгес, якая адказвае за эканамічную палітыку. Аднак Штаты не прызналі легітымнасць Мадуры, а венесуэльская апазіцыя лічыць законным прэзідэнтам палітыка ў выгнанні Эдмунда Гансалеса.

Аперацыя ў Венесуэле: што вядома

ЗША нанеслі ўдары па Венесуэле ўначы на 3 студзеня. Прэзідэнт Нікалас Мадура падпісаў указ аб увядзенні надзвычайнага становішча ў краіне. СМІ паведамлялі пра ўдары па ваенных базах, аэрапортах і форце Ціюна, дзе знаходзіцца штаб-кватэра Міністэрства абароны і камандаванне арміі Венесуэлы.

Канал CBS News са спасылкай на крыніцы пісаў, што Трамп адабрыў удары па Венесуэле за некалькі дзён да таго, як пачалася ваенная аперацыя. Яна, нібыта, павінна была пачацца пасля Калядаў, аднак была адкладзеная з-за надвор’я.

Раніцай 3 студзеня Трамп паведаміў, што Мадуру захапілі і вывезлі з краіны разам з жонкай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com