Пратэсты ў Іране не сціхаюць ужо тыдзень

Масавыя акцыі праходзяць больш як у 20 правінцыях.

У Іране ўжо тыдзень працягваюцца масавыя пратэсты, што ахапілі прынамсі 22 правінцыі краіны. Пра гэта 3 студзеня паведаміў Iran International.

За сем дзён пратэстаў прынамсі восем чалавек загінулі, больш за 40 атрымалі раненні ад боепрыпасаў або куль сілавікоў. Сярод загінулых — 20-гадовы Саджад Валаманеш з Лордэгана і 28-гадовы стажор-юрыст Ахмадрэза Амані; іх сем’і, як піша СМІ, адчулі ціск з боку ўладаў.

Вярхоўны лідар Ірана Алі Хаменеі назваў пратэстоўцаў «мяцежнікамі» і заклікаў да іх падаўлення. Тым часам прафсаюзы настаўнікаў і студэнты мастацкага ўніверсітэта Тэгерана заклікалі праваахоўнікаў не выступаць супраць народа і падтрымаць мірныя дэманстрацыі.

Пратэстоўцы выходзяць на вуліцы Тэгерана, Мешхеда, Кума, Ілама і іншых гарадоў — яны здымаюць сцягі Ісламскай рэспублікі і скандуюць антырэжымныя і праманархічныя лозунгі. Гандляры тэгеранскага рынку анансавалі новыя акцыі, а відэа з вуліц паказваюць, што людзі працягваюць выходзіць на мірныя дэманстрацыі, нягледзячы на гвалт з боку сілавых структур.

Міжнародная супольнасць выказала занепакоенасць: ЗША пацвердзілі падтрымку іранцам, што імкнуцца да свабоды, а ААН заклікала ўлады Ірана паважаць правы на свабоду слова і мірныя сходы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com