Вайсковец назваў рэкорд далёкасці дронаў ЗСУ

Украінскія БПЛА залятаюць туды, дзе іх не чакаюць.

Украінскія дроны далятаюць ужо да 35 кіламетраў, а рэкорднай стала адлегласць 40 кіламетраў. Пра гэта ў эфіры «Мы — Украіна» распавёў камандзір падраздзялення «TERRA» ў складзе 3-га армійскага корпуса Мікалай Волахаў з пазыўным «Абдула».

«Дроны далятаюць туды, дзе вораг нават не можа іх чакаць. Калі яны думаюць, што мы лятаем на 15 кіламетраў, нашы найлепшыя экіпажы робяць гэта на 35. Рэкорд — 40 кіламетраў. Залятаюць туды, дзе вораг не чакае», — распавёў ён.

Паводле яго слоў, кожны трэба наладзіць «канкрэтна пад дзень выканання баявой задачы».

«А як наладжваеш? Купляеш у Кітаі кампаненты, яны едуць 2–3 тыдні, і ты можаш выбраць, які табе сёння патрэбны перадатчык радыёсігналу, якая табе патрэбная камера, якая табе патрэбная камплектацыя», — патлумачыў вайсковец.

Ён распавёў пра ўдалую атаку па групе расійскіх аператараў БПЛА такім мадэрнізаваным дроном, падрыхтаваным да працы менавіта ў гэты дзень. Гэта ўдалося, нягледзячы нават на тое, што расіяне мелі пры сабе мабільны РЭБ.

«Перш за ўсё мы знішчаем пяхоту, у другую чаргу — артылерыю, якая вядзе агонь па нашых перадавых пазіцыях. І ў трэцюю чаргу, хоць насамрэч часам нават у першую, мы працуем па пазіцыях іх дронаў... А, дарэчы, іх дроны заўсёды добра абароненыя сродкамі радыёэлектроннай барацьбы. [Калі] удаецца разбіць іх групу, гэта азначае, што яна не будзе запускаць дроны па нашых пазіцыях, і гэта выратуе вельмі шмат чалавечых жыццяў», — адзначыў «Абдула».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com