Часовая кіраўніца Венесуэлы прапанавала ЗША супрацоўніцтва

Раней прэзідэнт Трамп пагразіў ёй наступствамі.

Каракас застаецца прыхільным да мірнага суіснавання з суседзямі, імкнецца жыць без знешніх пагроз і ў атмасферы павагі і міжнароднага супрацоўніцтва, заявіла часовая прэзідэнтка Венесуэлы Дэльсі Радрыгес. У адкрытым лісце, размешчаным на сваёй старонцы ў Instagram у нядзелю, 4 студзеня, палітык заклікала ўрад ЗША да супрацоўніцтва.

Па словах Радрыгес, Каракас надае «першарадную ўвагу развіццю збалансаваных і паважлівых міжнародных адносін паміж ЗША і Венесуэлай», а таксама з іншымі краінамі рэгіёна. «Мы запрашаем урад ЗША да супрацоўніцтва ў межах праграмы, скіраванай на сумеснае развіццё ў межах міжнароднага права, дзеля ўмацавання трывалага суіснавання ў грамадстве», — напісала Радрыгес.

Раней, як нагадвае «Нямецкая хваля», у той жа дзень Дональд Трамп заявіў, што Дэльсі Радрыгес заплаціць «высокую цану», калі не пачне супрацоўнічаць з амерыканскімі ўладамі. «Верагодна, большую, чым Мадура», — цытавала прэзідэнта ЗША выданне The Atlantic.

Да гэтага, на прэс-канферэнцыі, прысвечанай захопу Нікаласа Мадуры і ягонай жонкі, Трамп абвясціў, што часовым кіраваннем Венесуэлай зоймецца яго адміністрацыя. Паводле дадзеных Bloomberg, ключавую ролю ў гэтым павінен узяць на сябе дзяржаўны сакратар ЗША Марка Рубіё.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com