Крэмль запанікаваў пасля спецаперацыі ЗША ў Венесуэле

Звяржэнне Мадуры можа ўдарыць па нафтавых даходах Расіі.

Вядучыя расійскія аналітыкі асцерагаюцца, што планы прэзідэнта ЗША Дональда Трампа могуць мець маштабныя наступствы для эканомікі Расіі, піша BILD.

Справа ў тым, што Венесуэла валодае найбуйнейшымі ў свеце запасамі нафты, але ў параўнанні з арабскімі краінамі і Расіяй экспартуе яе ў нязначных аб'ёмах. Дзяржаўная нафтавая кампанія PDVSA лічыцца разваленай і некампетэнтнай. Экспарт яшчэ мацней ускладнялі санкцыі ЗША. Аднак нафтавыя рэзервы Венесуэлы — гэта гіганцкі патэнцыял, які могуць асвоіць амерыканскія канцэрны. Трамп не хавае сваіх намераў і ўжо заявіў: «Мы адправім у краіну нашы вельмі буйныя нафтавыя кампаніі...».

Для Расіі гэта мае велізарнае значэнне. Ад цаны на нафту залежыць, ці дастаткова ў расійскім бюджэце грошай для пенсій, дзяржаўнага апарату і вайны. Мінфін Расіі пры планаванні бюджэту на 2026 год зыходзіў з цаны ў 59 долараў за барэль нафты Urals, але цяпер яна складае 50–52 долараў за барэль. Калі яна ўпадзе яшчэ ніжэй, бюджэт апынецца ў глыбокім дэфіцыце.

На расійскім фінансавым партале finance.mail.ru аналітык Фонду нацыянальнай энергетычнай бяспекі Ігар Юшкоў яшчэ да аперацыі ЗША ў Венесуэле заявіў: «Для нас эканамічна і палітычна важна, каб Мадура ўстояў». Юшкоў асцерагаецца, што звяржэнне Мадуры стане ўзорам для далейшых дзеянняў у дачыненні да Расіі. Тут важна, што ЗША спачатку аслабілі рэжым дыктатара санкцыямі супраць нафтавага сектара: «Гэта сігнал для амерыканцаў і еўрапейцаў падумаць пра тое, што і з Расіяй тое самае можа атрымацца».

Пасля паспяховай аперацыі ЗША яшчэ адзін расійскі эканаміст Сяргей Сувероў заявіў у газеце «Аргументы і факты», што ён чакае зніжэння цэн на нафту: «У бліжэйшыя два-тры гады гэта дазволіць ім [г. зн. амерыканцам] істотна павялічыць пастаўкі на сусветным рынку».

Прыкметны таксама пост расійскага алігарха Алега Дзерыпаскі у яго Telegram-канале: «Відаць, у іхніх планах — сачыць за тым, каб цана нашай нафты не павышалася вышэй за 50 долараў за барэль». Гэта, на яго думку, прымусіць Крэмль скарачаць выдаткі, прадаваць дзяржмаёмасць або яшчэ мацней абкладаць падаткамі прыватны сектар. І ўсё гэта таму, што амерыканцы «кантролююць больш за палову сусветных запасаў нафты».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com