У Беларусі зацвердзілі новыя правілы для гульнявога бізнесу.
- 5.01.2026, 14:23
- 1,984
Што і калі змяняецца?
Улады Беларусі працягваюць уносіць змены ў заканадаўства ў сферы азартных гульняў.
Так, 5 студзеня стала вядома, што прэм'ер-міністр Беларусі Аляксандр Турчын падпісаў пастанову аб парадку ажыццяўлення дзейнасці ў гэтай сферы.
Дакумент падрыхтаваны з мэтай прывядзення заканадаўства ў адпаведнасць з указам дыктатара Лукашэнкі ад 6 чэрвеня 2025 года.
Пастановай рэгулююцца пытанні ажыццяўлення дзейнасці ў гульнявым бізнесе.
Напрыклад, вызначаецца, хто і як можа ўтрымліваць казіно, залы гульнявых аўтаматаў, таталізатары, букмекерскія канторы, віртуальныя гульнявыя ўстановы.
Паведамляецца пра функцыянаванне спецыяльнай камп'ютарнай касавай сістэмы, якая забяспечвае кантроль за абаротамі, і маніторынгавага цэнтра па яе абслугоўванні.
Таксама ўвядуць дзяржаўны рэестр мадэляў гульнявых аўтаматаў, дапушчаных да выкарыстання ў Беларусі.
Для юрыдычных асоб, якія арганізуюць або праводзяць азартныя гульні праз віртуальную гульнявую ўстанову, вызначылі суму, якая павінна знаходзіцца на спецыяльным рахунку. Гэта 90 тыс. базавых велічынь (Br 4,05 млн).
Пры арганізацыі або правядзенні толькі букмекерскіх анлайн-гульняў або анлайн-гульняў таталізатара сума меншая — 20 тыс. БВ (Br 900 тыс.).
Паведамляецца, што такі рахунак прызначаны для своечасовага пералічэння арганізатарам азартных гульняў выйгрышаў, а таксама для выплаты падаткаў, збораў (пошлін), пеняў і іншых абавязковых плацяжоў.
У дакуменце ўдакладняецца парадак ажыццяўлення разлікаў з выкарыстаннем крыптавалюты, а таксама праверкі ў наведвальнікаў гульнявой установы дакументаў, што пацвярджаюць асобу.
Пастанова ўступае ў сілу з 11 сакавіка 2026 года.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
