Тэнісіст з Аўстраліі выкарыстаў стул, каб абняць суперніка
1- 5.01.2026, 21:40
- 7,668
Відэахіт.
5 студзеня на тэнісным турніры ў Брысбене (Аўстралія) мясцовы спартовец Дэйн Суіні стаў на стул, каб абняць амерыканца Райлі Апелку пасля матча з ім. Відэа апублікавала Tennis TV у сацсетцы X.
Матч Апелкі і Суіні адбыўся ў межах першага круга турніру ATP-250 і завяршыўся перамогай амерыканца з лікам 6:3, 7:5.
Tennis TV звяртае ўвагу, што рост Суіні — каля 170 см, а рост Апелкі — каля 211 см. Каб кампенсаваць 40 см розніцы, аўстраліец і выкарыстаў стул.
Карыстальнікі X успомнілі яшчэ адзін падобны выпадак, калі стул падставіў ізраільцянін Дуды Сэла пасля паразы харвацкаму тэнісісту Іву Карлавічу.
When you're 5'7" and you've gotta hug your 6'11" friend...🤣🤣#BrisbaneInternational pic.twitter.com/WAJXxhelVW
— Tennis TV (@TennisTV) January 5, 2026