NYT: У «рускім пасёлку» ў Кітаі ёсць гарэлка, але няма рускіх

Руская культура ў Эньхэ захавалася толькі ў выглядзе «фальклорнай карыкатуры».

У населеным пункце Эньхэ, створаным кітайскімі ўладамі як «этнічны рускі пасёлак», ужо ніхто не размаўляе па-руску. Пра гэта гаворыцца ў рэпартажы The New York Times, апублікаваным 4 студзеня.

Журналісты, якія пабывалі ў Эньхэ, выявілі, што там ёсць зрубныя хацінкі, як у РФ, шыльды з кірыліцай, «але няма рускіх», хоць раней там пражывала «тысячы».

Выданне звяртае ўвагу, што Уладзімір Пуцін ваюе супраць Украіны, бо называе яе часткай «рускага міра», таму што там размаўляюць па-руску, але ў той жа час у Кітаі РФ страціла «шматвяковы замежны фарпост сваёй мовы і культуры».

У Эньхэ, паводле слоў аўтара публікацыі ў NYT, ад Расіі «мала што засталося, акрамя настальгіі і дэкарацый для турыстаў». Але яшчэ ёсць бярозы, тоўсты снег, зрубныя дамкі ў сібірскім стылі, кірыліца і гарэлка, піша выданне.

«Этнічныя рускія», якія тут пражывалі, страцілі сувязь з радзімай у выніку змешаных шлюбаў на працягу некалькіх пакаленняў з кітайцамі, манголамі і іншымі мясцовымі жыхарамі.

Кіраўнік пасёлка Лі Пэн, далёкі нашчадак расіян, прызнаў, што праз некалькі гадоў мясцовыя жыхары стануць такімі ж, як астатнія кітайцы. Ён «разумее толькі некалькі слоў па-руску» і дома гаворыць па-кітайску, а праваслаўны Вялікдзень адзначае «толькі як культурнае свята», далёкае ад рэлігіі.

Выданне піша, што этнічнымі рускімі лічацца 40% насельніцтва Эньхэ, якое складаецца з 2895 чалавек. Але мала хто з гэтых «расіян» гаворыць на якой-небудзь мове, акрамя кітайскай.

Руская культура ў Эньхэ ў асноўным захавалася ў выглядзе «фальклорнай карыкатуры, прызванай прыцягнуць кітайскіх турыстаў». У мясцовым музеі яе прадстаўляюць самавары, матрёшкі, мемарыяльныя дошкі ў гонар савецкага дыктатара Іосіфа Сталіна, драўляная сауна і васковыя фігуры расіян у старадаўнім традыцыйным адзенні.

Мясцовы пастух, якога журналіст NYT спытаў пра Пуціна, не ведае, што ён нелегітымны прэзідэнт РФ і толькі «чуў у СМІ пра кагосьці з такім імем».

Таксама ў Эньхэ ўжо не вучаць рускай мове ў пачатковай школе. Выданне нагадвае, што Пуцін абураўся з гэтай нагоды, калі казаў пра падобную сітуацыю ў краінах Балтыі і ва Украіне.

У Эньхэ знікла і праваслаўная царква, а крыж на вяршыні залатога купала на закрытай драўлянай будыніне ў цэнтры вёскі — знеслі. Журналісты пішуць, што мясцовыя чыноўнікі адмаўляюць, што ён калі-небудзь там быў, але «крыж выразна бачны на старых фота».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com