Беларуска паскардзілася на сапсаваны Новы год у вядомым бары

Відэа пра гэта завірусілася ў сацыяльных сетках.

Беларуска Дар'я з кампаніяй вырашылі сустрэць Новы год у слуцкім бары сеткі «Мята». Дзяўчына загадзя перапісвалася з установай у Instagram, забраніравала столік, але на ўваходзе з яе запатрабавалі непрадбачаную аплату.

Беларуска запісала пра гэта відэа ў TikTok, яго за двое сутак паглядзелі амаль 340 тысяч разоў, піша «Зеркало».

Дар'я з кампаніяй яшчэ з пяці чалавек планавалі святкаваць Новы год у бары-кальяннай «Мята» ў Слуцку. Дзяўчына спісалася з установай у Instagram і забраніравала столік з дэпазітам у 500 рублёў. Спачатку ёй напісалі, што трэба будзе аплаціць уваход, але потым удакладнілі, што гэтыя грошы ўваходзяць у дэпазіт, то бок дадаткова плаціць не трэба.

У выніку кампанія прыйшла да бара каля першай гадзіны ночы, дзе, са слоў дзяўчыны, яшчэ прыкладна 15 хвілін чакала ахову, каб тая іх упусціла. Калі ахоўнікі прыйшлі, высветлілася — трэба плаціць за ўваход па 40 рублёў з чалавека.

Дар'я спрабавала высветліць у афіцыянткі і адміністратара, што адбываецца. Ёй адказалі, што чалавек, які адказвае за Instagram, проста не быў у курсе гэтага патрабавання.

«Я не пачула ніводнага выбачэння, мне не прапанавалі хоць бы ніякай зніжкі. <�…> Вось гэта стаўленне, вось гэтая неарганізаванасць нейкая — гэта проста жах», — лічыць Дар'я.

Пазней яна пакінула негатыўны водгук пра бар у «Яндэксе» і на пошту «Мяты», у адказ з ёй звязалася кіраўніца ўстановы — папрасіла прабачэння і прапанавала выдаліць водгук за зніжку ў 10% на двух чалавек. Дзяўчына згадзілася, але засталася незадаволенай такой зніжкай, называючы яе «нікчэмнай» і «няшчаснай». Сябры параілі запісаць відэа для TikTok, што яна і зрабіла.

У выніку ролік за двое сутак набраў амаль 340 тысяч праглядаў, пад ім пакінулі звыш 250 каментарыяў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com