Кіраўніка ФБК Леаніда Волкава могуць пазбавіць віду на жыхарства ў Літве за абразу ўкраінскіх уладаў

Яго выказванні праверыць Дэпартамент дзяржаўнай бяспекі.

Дэпартамент міграцыі Літвы звярнуўся ў Дэпартамент дзяржаўнай бяспекі па дадатковую кансультацыю наконт магчымай пагрозы нацыянальнай бяспецы ў сувязі са словамі кіраўніка расійскага Фонду барацьбы з карупцыяй Леаніда Волкава. Пра гэта паведамляе Delfi са спасылкай на галоўнага саветніка Дэпартамента міграцыі Рокаса Пукінскаса.

Ведамства папрасіла ацаніць хамскія і абразлівыя выказванні палітыка пра кіраўніка Рускага добраахвотніцкага корпуса (РДК), які ваюе на баку Украіны, Дзяніса Капусціна, і ўкраінскіх чыноўнікаў — кіраўніка Офіса прэзідэнта Украіны (ОП) Кірыла Буданава (на момант напісання Волкавым паведамлення ён узначальваў Галоўнае ўпраўленне разведкі Міністэрства абароны Украіны — Заўв.) і саветніка ОП Міхаіла Падаляка.

Як адзначае Delfi, пасля атрымання адказу Дэпартамента дзяржаўнай бяспекі можа быць прынятае рашэнне аб ануляванні віду на жыхарства Волкава ў Літве.

5 студзеня былая супрацоўніца ФБК Ганна Тырон, якая цяпер з’яўляецца палітычнай прадстаўніцай РДК, апублікавала скрыншот паведамлення, атрыманага ад Леаніда Волкава. Яно было адпраўлена пасля з’яўлення ў СМІ інфармацыі пра гібель кіраўніка РДК Дзяніса Капусціна — пазней стала вядома, што гэта была інсцэніроўка з мэтай прадухіліць замах.

У ім Волкаў называе «смерць» Капусціна «дэнацыфікацыяй», РДК — «клоўнскім падраздзяленнем», а Буданава і Падаляка — «злодзейняй, якая сядзе». Сам кіраўнік ФБК прызнаў сапраўднасць перапіскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com