У Беларусі змянілі правілы прыёму ў ВНУ і ССНУ

Да ўвагі абітурыентаў.

У Беларусі крыху змянілі правілы паступлення ў ВНУ і ССНУ. Указ «Аб удасканаленні ўступнай кампаніі» падпісаў Аляксандр Лукашэнка.

Дакумент накіраваны на стварэнне роўных магчымасцяў для абітурыентаў пры паступленні ў установы вышэйшай і сярэдняй спецыяльнай адукацыі на ўмовах справядлівага конкурснага адбору.

У краіне створана дзяржаўная камісія, якая абавязаная кантраляваць падрыхтоўку і правядзенне ўступнай кампаніі.

Старшынёй прызначана намесніца прэм'ер-міністра Наталля Пяткевіч. Таксама ў камісію ўвайшлі прадстаўнікі «савета рэспублікі» і «палаткі», органаў дзяржаўнага кіравання і іншых арганізацый.

Указам таксама змененыя асобныя палажэнні правілаў прыёму ў ВНУ і ССНУ.

У прыватнасці, для паступлення ў ВНУ на завочную (дыстанцыйную) форму навучання больш не патрабуецца адпаведнасць працоўнага стажу абранаму профілю адукацыі.

Акрамя таго, у сувязі са стварэннем каледжа Міністэрства ўнутраных спраў удакладнены катэгорыі абітурыентаў, якія будуць мець льготы пры залічэнні.

Ёсць навінкі і ў экзаменах. Уводзіцца прафільнае выпрабаванне па прадмеце «Гісторыя Беларусі ў кантэксце сусветнай гісторыі». Гэтую дысцыпліну пачалі вучыць у 10–11 класах замест «Гісторыі Беларусі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com