Макрон, Стармер і Зяленскі падпісалі дэкларацыю аб размяшчэнні шматнацыянальных войскаў ва Украіне
30- 6.01.2026, 21:56
- 16,278
У Парыжы адбылася сустрэча «кааліцыі рашучых».
Лідары Францыі, Вялікабрытаніі і Украіны падпісалі ў Парыжы дэкларацыю аб размяшчэнні шматнацыянальных сіл на ўкраінскай тэрыторыі пасля спынення агню.
«Мы прынялі Парыжскую дэкларацыю, якая з’яўляецца ўсеагульным еўрапейска-амерыканскім пацвярджэннем волі да надання гарантый бяспекі для Украіны», — сказаў прэм’ер Польшчы Дональд Туск на прэс-канферэнцыі.
«Сёння мы дасягнулі істотнага прагрэсу, надаўшы надзейныя гарантыі трывалага міру», — сказаў прэзідэнт Францыі Эмануэль Макрон на прэс-канферэнцыі па выніках сустрэчы (трансляцыя вялася на канале YouTube Елісейскага палаца). Паводле яго слоў, гэтыя гарантыі прадугледжваюць, што любое мірнае пагадненне паміж Расіяй і Украінай не будзе парушана ў будучыні.
Пасля спынення агню ва Украіне Вялікабрытанія і Францыя плануюць пабудаваць на яе тэрыторыі вайсковыя базы. Пра гэта заявіў прэм’ер-міністр Вялікабрытаніі Кір Стармер.
«І таму я магу сказаць, што пасля спынення агню Вялікабрытанія і Францыя створзяць вайсковыя цэнтры па ўсёй Украіне», — сказаў ён.
Прэзідэнт Украіны Уладзімір Зяленскі падзякаваў «кожнаму лідару» за прынятыя рашэнні на сустрэчы ў Парыжы.
«Вайскоўцы Францыі, Вялікабрытаніі і Украіны ўважліва працавалі над размяшчэннем сіл, колькасцю, канкрэтнымі відамі ўзбраення, якія патрэбныя [Украіне] і змогуць спрацаваць. У нас ужо ёсць так неабходныя дэталі. Мы разумеем, якая краіна і да чаго гатовая — з усіх краін «кааліцыі рашучых». Хачу падзякаваць кожнаму лідару, кожнай дзяржаве, якія сапраўды хочуць быць часткай мірнага рашэння», — паведаміў Зяленскі.
Прэзідэнт Украіны дадаў, што «кааліцыя рашучых» прадметна абмеркавала з амерыканскім бокам — спецпасланнікам прэзідэнта ЗША Стывам Уіткофам і зяцем Дональда Трампа Джарэдам Кушнерам — маніторынг сітуацыі ва Украіне пасля заканчэння вайны, «каб не было парушэнняў міру».
«Амерыка гатовая працаваць у гэтым напрамку. І адзін з найбольш важных кампанентаў — гэта стрымліванне, інструменты, якія не дапусцяць новай расійскай агрэсіі», — заявіў Зяленскі.
«Надзейныя гарантыі бяспекі і абавязацельствы па забеспячэнні дабрабыту неабходныя для ўсталявання трывалага міру ва Украіне, і мы працягнем сумесную працу ў гэтым напрамку», — напісаў спецпасланнік прэзідэнта ЗША Стыў Уіткоф у сацсетцы Х.
Уіткоф паведаміў, што амерыканскія і еўрапейскія бакі працягнуць абмеркаванні з украінскай дэлегацыяй сёння ўвечары і 7 студзеня. «Мы спадзяёмся дасягнуць яшчэ больш пазітыўнай дынамікі ў найбліжэйшай будучыні», — падсумаваў ён.
З амерыканскага боку, акрамя Стыва Уіткофа, у сустрэчы ў Парыжы ўдзельнічаў зяць прэзідэнта ЗША Джарэд Кушнер. З еўрапейскага — Эмануэль Макрон, прэзідэнт Украіны Уладзімір Зяленскі, прэм’ер-міністр Вялікабрытаніі Кір Стармер, канцлер Германіі Фрыдрых Мерц і іншыя еўрапейскія лідары.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
