Саудаўская Аравія адкрывае фондавы рынак для замежнікаў

Эр-Рыяд скасоўвае ўсе абмежаванні.

Саудаўская Аравія адкрывае свой фондавы рынак для ўсіх замежных інвестараў. Упраўленне рынку капіталу (Capital Market Authority) скасовуе спецыяльныя патрабаванні і абмежаванні, якія раней дзейнічалі для нерэзідэнтаў, гаворыцца ў заяве рэгулятара ад 6 студзеня.

Адно з такіх абмежаванняў патрабавала ад інвестараў мець актывы пад кіраваннем на суму не менш як $500 млн.

Пачынаючы з 1 лютага 2026 года замежнікі змогуць наўпрост купляць і прадаваць акцыі на асноўным рынку Tadawul. Улады чакаюць, што гэтае рашэнне прыцягне больш замежных інвестыцый і павялічыць ліквіднасць рынку.

Паводле заявы рэгулятара, на канец верасня замежная ўласнасць на фондавым рынку Саудаўскай Аравіі аб'ёмам $2,3 трлн складала больш за 590 мільярдаў саудаўскіх рыалаў ($157,3 млрд), пры гэтым каля 88% гэтай сумы было сканцэнтравана ў асноўным індэксе.

Чакаецца, што змены «будуць спрыяць прыцягненню дадатковых міжнародных інвестыцый».

Патрэба Эр-Рыяда ў замежных сродках становіцца ўсё больш прыкметнай, адзначае Bloomberg. Высокія выдаткі і нізкія нафтавыя даходы прыводзяць да паглыблення дэфіцыту бюджэту ўрада, што пагражае запаволеннем інвестыцый.

Больш шырокае кола інвестараў можа быць добрым знакам для саудаўскага рынку, на якім дзесяткі кампаній шукаюць дазвол на размяшчэнне акцый на мясцовым узроўні.

Выканаўчы дырэктар Саудаўскай фондавай біржы ў снежні заявіў, што 40 кампаній падалі заяўкі на публічнае размяшчэнне акцый, а колькасць прэтэндэнтаў на IPO ўзрасла да 100.

Паводле падлікаў брытанскай фінансавай кампаніі Jefferies International Limited, павелічэнне ліміту замежнай уласнасці ў Саудаўскай Аравіі з бягучых 49% да 60–100% можа прыцягнуць ад $3,4 млрд да $10,2 млрд пасіўнага прытоку ад індэксных трэкераў MSCI і FTSE.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com