Беларускіх аўтамабілістаў чакае «сюрпрыз»

Рэзка выраслі сумы штрафаў.

З 1 студзеня ў Беларусі павялічылі базавую велічыню. Гэта азначае, што і штрафы сталі больш адчувальныя.

За кіраванне транспартным сродкам (ТС) вадзіцелем, які не прышпілены рамянём бяспекі, або за перавозку пасажыраў, не прышпіленых рамянямі бяспекі, прадугледжаны штраф да адной базавай (45 рублёў). Кіраванне ТС, адносна якога не выдадзены дазвол на допуск да ўдзелу ў дарожным руху (тэхагляд), калі ўласнікам такога ТС з'яўляецца фізічная асоба, караецца штрафам да трох базавых (да 135 рублёў).

Кіраванне ТС без афармлення страхоўкі для фізічнай асобы абыдзецца ў адну—тры базавыя (45—135 рублёў). Такое ж пакаранне прадугледжана для пешаходаў, веласіпедыстаў, а таксама асоб, якія ўдзельнічаюць у дарожным руху і не кіруюць ТС, пішуць «Мінск-Навіны».

Штраф ад адной да пяці базавых (45—225 рублёў) прызначаюць асобам, якія кіруюць ТС і пры гэтым не выконваюць патрабаванняў сігналаў святлафора або рэгуліроўшчыка. Такое ж пакаранне пагражае вадзіцелям, якія ігнаруюць правілы размяшчэння ТС на праезнай частцы, не даюць перавагу ў руху маршрутнаму ТС або пешаходам, не выконваюць патрабаванняў дарожных знакаў або разметкі (за выключэннем выезду на паласу сустрэчнага руху), альбо парушаюць правілы манеўравання або праезду перакрыжаванняў.

Куды больш строга караюць вадзіцеляў, якія парушаюць правілы абгону або выязджаюць на паласу сустрэчнага руху ў выпадках, калі гэта забаронена ПДР. За гэта можна атрымаць штраф ад дзвюх да 10 базавых (90—450 рублёў), магчыма таксама пазбаўленне права кіравання ТС на тэрмін да аднаго года. Калі парушэнне правілаў прывяло да стварэння аварыйнай сітуацыі, штраф складзе ад пяці да 20 базавых (225—900 рублёў), магчыма пазбаўленне права кіравання на тэрмін да двух гадоў.

Спыненне або стаянка ТС з парушэннем ПДР абыдзецца аўтаўладальніку ў адну базавую (45 рублёў). Неправамерная стаянка на месцы, адведзеным для стаянкі ТС інвалідаў, караецца двума базавымі (90 рублёў). А вось спыненне або стаянка грузавога аўтамабіля, аўтобуса, калёснага трактара, самаходнай машыны, прычэпа з парушэннем ПДР абыдзецца правапарушальніку ў пяць базавых (225 рублёў).

Калі чалавек не мае права сядаць за руль, але ўсё ж такі гэта зрабіў, то першы раз рызыкуе атрымаць штраф у памеры ад 225 да 900 рублёў (ад пяці да 20 базавых). У выпадку паўторнага парушэння на працягу года штраф складзе ад 900 да 2 250 рублёў (ад 20 да 50 базавых). У якасці пакарання могуць прызначацца грамадскія работы працягласцю 8—60 гадзін, а таксама адміністрацыйны арышт да 15 сутак.

Строгае пакаранне чакае вадзіцеляў, якія кіруюць ТС у стане ап'янення. Штраф складае 100 (4 500 рублёў) або 200 (9 000 рублёў) базавых велічынь (у залежнасці ад ступені ап'янення). Парушальнік таксама пазбаўляецца права кіравання на тры гады або пяць гадоў адпаведна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com