Як даглядаць хатніх жывёл у халоднае надвор'е
1- 7.01.2026, 18:07
- 3,850
Эксперты распавялі, на што варта звярнуць увагу зімой.
Падчас зімовых халадоў і снегападаў хатнія гадаванцы патрабуюць асаблівай увагі. Як і людзі, жывёлы могуць пакутаваць ад пераахаладжэння і маюць патрэбу ў дадатковым клопаце, піша BBC (пераклад — сайт Charter97.org).
У памяшканні брытанскія ветэрынары раяць забяспечыць гадаванцам цёплыя і ўтульныя месцы для адпачынку. Коткам і сабакам варта дадаць коўдры ў лежанкі і арганізаваць некалькі схаваных куточкаў у доме. Лежанкі лепш прыўзняць над падлогай, каб пазбегнуць скразнякоў, асабліва для пажылых жывёл. Эксперты таксама рэкамендуюць больш гуляць з гадаванцамі, калі з-за надвор'я яны радзей выходзяць на вуліцу.
У халодны час года жывёлы могуць есці больш, каб падтрымліваць тэмпературу цела, але пры гэтым піць менш. Важна сачыць, каб яны заўсёды мелі доступ да свежай вады.
Сабакам прагулкі неабходныя нават зімой. Бальшыні хапае ўласнай поўсці, але кароткапоўным, пажылым або хворым жывёлам можа спатрэбіцца цёплае, непрамакальнае адзенне. Уладальнікам раяць гуляць удзень, выкарыстоўваць святлоадбівальныя аксесуары ў цемры і пазбягаць замярзлых вадаёмаў. Пасля прагулак трэба старанна выціраць лапы і змываць соль і рэагенты.
Дробныя жывёлы — кролікі, марскія свінкі і тхары — асабліва адчувальныя да холаду. Пры рэзкім паніжэнні тэмпературы іх рэкамендуюць пераносіць у памяшканне, напрыклад, у сарай або ў гараж без машын. Калі гэта немагчыма, іх дамкі варта дадаткова ўцяпліць.
Коткам, прывыклым гуляць, удзень можна дазваляць выходзіць на вуліцу, але пры моцных маразах іх лепш пакідаць дома на ноч і забяспечыць доступ да цёплага латка.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
