У Беларусі ёсць Снежная вуліца і Навагодні завулак

Дзе іх шукаць.

Пачатак 2026 года радуе снегам і маразамі.

Натхніўшыся сапраўднай зімой, спецыялісты Нацыянальнага кадастравага агенцтва вырашылі падзяліцца цікавым, піша «Точка».

І нагадалі беларусам, што ў рэестры адміністрацыйна-тэрытарыяльнага падзелу зарэгістравана, напрыклад, адразу пяць сельскіх населеных пунктаў з назвай Марозы.

Так, трапіць у сапраўдныя Марозы можна, пабываўшы ў Слуцкім і Вілейскім раёнах Мінскай вобласці, Іванаўскім раёне Брэсцкай вобласці, Мёрскім і Верхнядзвінскім раёнах на Віцебшчыне.

У Гомельскім раёне ёсць пасёлак Зімні, а вёска Снежная — у Зэльвенскім раёне Гродзенскай вобласці.

Па ўсёй краіне 37 вуліц і завулкаў радуюць назвамі Калядная і Нараджэнская, 11 вуліц і завулкаў Зімніх, адразу 3 з якіх можна знайсці ў сталіцы.

У Магілёве размешчана пяць завулкаў Снежных, а адзіны і ўнікальны ў Беларусі завулак Навагодні зарэгістраваны ў Лідзе Гродзенскай вобласці.

Спецыялісты нагадалі, што не толькі «зімовыя», а ўсе даныя аб назвах населеных пунктаў і вулічна-дарожнай сетцы размешчаныя на публічнай кадастравай карце ў адкрытым доступе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com