Сталі вядомыя новыя падрабязнасці пра лёс экіпажа расійскага танкера «Марынера»
5- 8.01.2026, 8:07
- 13,610
Генеральная пракурорка ЗША Памэла Бонды раскрыла падрабязнасці.
Міністэрства юстыцыі ЗША рыхтуецца вылучыць крымінальныя абвінавачанні чальцам экіпажа нафтавага танкера Bella 1, затрыманага ў Атлантычным акіяне за парушэнне амерыканскіх санкцый. Судна ходзіць пад расійскім сцягам.
Пра гэта паведаміла генеральная пракурорка ЗША Памэла Бонды у сацсетцы X.
Яна праінфармавала, што Злучаныя Штаты выканалі ордэр на арышт танкера Bella 1, які транспартаваў нафту з Венесуэлы і Ірана, што падпадае пад санкцыі.
«Раней Bella 1 быў прызнаны вінаватым у парушэнні санкцый Упраўлення па кантролі за замежнымі актывамі (OFAC) за яго ролю ў сетцы, якая падтрымлівае замежныя тэрарыстычныя арганізацыі», — напісала Бонды.
Паводле яе слоў, падчас аперацыі экіпаж судна спрабаваў пазбегнуць затрымання і схавацца ад амерыканскай Берагавой аховы. Нягледзячы на гэта, танкер у рэшце рэшт быў спынены.
«З-за невыканання загадаў Берагавой аховы экіпаж гэтага судна знаходзіцца пад расследаваннем, і супраць усіх вінаватых асоб будзе распачата крымінальная справа», — адзначыла генпракурорка.
Таксама Бонды паведаміла, што Міністэрства юстыцыі ЗША кантралюе перамяшчэнне яшчэ некалькіх танкераў, у дачыненні да якіх могуць быць ужытыя аналагічныя меры.
«Кожны з тых, хто адмовіцца выконваць указанні Берагавой аховы або іншых федэральных службовых асоб, будзе прыцягнуты да адказнасці ў поўнай адпаведнасці з законам», — падкрэсліла яна.
Нагадаем, 7 студзеня расійскае судна Bella 1 (цяпер яно называецца Marinera) было затрымана амерыканскімі вайскоўцамі. Прычынай стала парушэнне санкцый ЗША.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
