ЗША павялічаць ваенны бюджэт да $1,5 трлн

Каб стварыць «армію мары».

Прэзідэнт ЗША Дональд Трамп заявіў у сераду, што ваенны бюджэт ЗША на 2027 год павінен складаць $1,5 трлн, што значна перавышае $901 млрд, якія Кангрэс зацвердзіў на 2026 год.

Пра гэта Трамп напісаў у сацсетцы Truth Social.

Прэзідэнт ЗША напісаў, што ён прыняў рашэнне аб ваенных выдатках на 2027 год «пасля доўгіх і складаных перамоваў з сенатарамі, кангрэсменамі, сакратарамі і іншымі палітычнымі прадстаўнікамі».

«На дабро нашай краіны, асабліва ў гэтыя вельмі неспакойныя і небяспечныя часы, наш ваенны бюджэт на 2027 год павінен складаць не 1 трыльён долараў, а 1,5 трыльёна долараў. Гэта дазволіць нам стварыць «армію мары», на якую мы даўно маем права», — напісаў кіраўнік Белага дома.

Гэта заява Трампа з'явілася пасля асобнага паведамлення ў Truth Social, у якім прэзідэнт ЗША раскрытыкаваў абаронныя кампаніі за занадта павольную вытворчасць зброі. У ім ён паабяцаў забараніць абаронным падрадчыкам выплачваць дывідэнды або выкупляць акцыі, пакуль тыя не паскораць вытворчасць.

Трамп заявіў, што дадатковыя выдаткі на абарону будуць пакрыты даходамі, атрыманымі ад тарыфаў, якія ён увёў амаль для кожнай краіны і многіх прамысловых сектараў.

Любое павелічэнне ваеннага бюджэту патрабуе адабрэння Кангрэса.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com