Навукоўцы выявілі золата ўнутры ялін

Новы Кландайк.

У глыбіні паўночных лясоў Фінляндыі навукоўцы з мясцовага Універсітэта Оулу і дзяржаўнай геалагічнай службы выявілі ўнутры ігліцы нарвежскай яліны мікраскапічныя крупінкі золата, піша «Еўрапульс».

Як гаворыцца ў даследаванні, апублікаваным у часопісе Environmental Microbiome, бактэрыі, што жывуць унутры тканак дрэва, утвараюць залатыя наначасціцы — настолькі дробныя, што іх можна ўбачыць толькі з дапамогай электроннага мікраскопа.

Група навукоўцаў вывучыла 138 узораў ігліцы з 23 дрэў, што растуць над вядомым радовішчам золата. У чатырох з іх яны выявілі часціцы золата ў расліннай тканіне, акружаныя бактэрыяльнымі біёплёнкамі — ахоўным пакрыццём, якое мікраарганізмы выкарыстоўваюць для выжывання ўнутры раслін.

«Залатаносных дрэў» не існуе, папярэджваюць даследчыкі тых, хто вырашыў, што гэтае адкрыццё — новы Кландайк. Колькасць металу, які змяшчаецца ў ялінах, мізэрна малая: яго не відаць няўзброеным вокам, і здабываць яго нявыгадна.

Затое навукоўцы разглядаюць гэтае адкрыццё як крок да больш экалагічнай разведкі карысных выкапняў. Выяўляць новыя радовішчы можна будзе, усяго толькі вывучыўшы ігліцу, а не бурыць свідравіны і не рыць кар’еры. Расліны і мікраарганізмы будуць выступаць у ролі індыкатараў таго, што знаходзіцца пад зямлёй.

Даследчыкі не выключаюць, што такія ж залатыя наначасціцы могуць утрымлівацца ў імхах і іншых раслінах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com