Euractiv: У Крэмлі пануе страх

Трамп абудзіў найгоршы кашмар Пуціна.

Хаця пакуль не падобна, што прэзідэнт ЗША Дональд Трамп мае намер зрынуць рэжым Уладзіміра Пуціна ў Расіі, імклівая аперацыя амерыканскіх спецслужбаў у Венесуэле зрабіла моцнае ўражанне на расійскае палітычнае кіраўніцтва. Пра гэта ў аўтарскім артыкуле для Euractiv піша журналіст Канстанцін Эгерт.

Ён адзначае, што Масква аказалася фактычна бяссільнай у сітуацыі з Венесуэлай і не магла прадухіліць выкраданне дыктатара Нікаласа Мадура. Таму ніхто асабліва і не чакаў, што Крэмль рышыцца напрамую супрацьстаяць амерыканцам на іх «заднім дворыку».

Сапраўдную занепакоенасць расійскага кіраўніцтва выклікала тое, што адбылося пасля выкрадання Мадура. Замест таго, каб поўнасцю змесці ўвесь кіроўны рэжым у Венесуэле, як гэта было зроблена ў Іраку, Вашынгтон выбраў іншы падыход. Белы дом пагадзіўся, каб намесніца зрынутага дыктатара працягвала кіраваць краінай, захаваўшы ўвесь ранейшы апарат, пры ўмове, што венесуэльскі ўрад адцяпер будзе супрацоўнічаць з ЗША.

«Трамп абудзіў найгоршы кашмар Пуціна», — піша Эгерт.

Ён тлумачыць, што пры стандартнай «змене рэжыму», калі ад улады адхіляюцца амаль усе прадстаўнікі вышэйшага і сярэдняга звяна, гэта выклікае магутны супраціў старых структур: чыноўнікі і бізнес, звязаны з элітамі, абараняюць рэжым, баючыся праблем для сябе пры змене кіраўніцтва. У Венесуэле ж Трамп прадэманстраваў, што ЗША гатовыя дамаўляцца з папярэднім апаратам пасля ўстаранення лідара.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com