Калі можна не ісці ў школу з-за марозу?

Міністэрства адукацыі дало адказ.

Беларусы ўспамінаюць часы, калі з-за моцных маразоў заняткі ў школах нават адмянялі.

У сувязі з гэтым у рэдакцыю Tochka.by паступіла пытанне: ці не збіраюцца ў сувязі з цяперашнімі пагоднымі ўмовамі зрабіць дзецям выхадны на дзень-другі?

Журналісты звярнуліся ў Міністэрства адукацыі па каментар. Вось што ім адказалі.

Спецыялісты адзначылі, што ёсць спецыяльны дакумент «Савета Міністраў», дзе прапісаныя прынцыпы арганізацыі адукацыйнага працэсу ў сувязі з пагоднымі ўмовамі.

Паводле слоў начальніка ўпраўлення агульнай сярэдняй адукацыі — намесніка начальніка галоўнага ўпраўлення агульнай сярэдняй і дашкольнай адукацыі Міністэрства адукацыі Ірыны Каржовай, рашэнне аб прыпыненні навучальнага працэсу ў школах і ўстановах сярэдняй спецыяльнай адукацыі прымаецца мясцовымі выканкамамі.

Для гэтага а 07:00 за акном павінна быць як мінімум -25°C, а хуткасць ветру пры гэтым — больш за 3 м/с.

Бывае так, што ў школу можна, а падчас урокаў на вуліцу нельга.

«Рашэнне аб скарачэнні працягласці (ці забароне) прагулкаў для дзяцей на адкрытым паветры прымаецца кіраўніком установы адукацыі пры хуткасці руху паветра больш за 3 м/с і тэмпературы атмасфернага паветра -15°C і ніжэй — для дзяцей ва ўзросце да 3 гадоў, -18°C і ніжэй — для дзяцей ва ўзросце ад 3 да 7 гадоў, -22°C і ніжэй — для дзяцей ва ўзросце ад 7 гадоў», — патлумачыла Ірына Каржова.

Напрыклад, калі на вуліцы 15-градусны мароз (і вецер больш за 3 м/с), то праводзіць фізкультуру на адкрытым паветры нельга.

Гэта датычыць і сітуацыі з больш слабым марозам, але пры моцным ветры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com