Колькі беларусаў прайшлі тэхагляд у 2025 годзе

Цікавая статыстыка.

За 2025 год больш за 1,76 млн аўто паспяхова прайшлі тэхагляд і атрымалі дазвол на ўдзел у дарожным руху. Статыстыкай падзяліліся ў УП «Белтэхагляд».

З агульнай колькасці доля фізічных асоб склала 1,485 млн, што складае 84,3%. На электрамабілі аформлена 2413 дазволаў, а для транспартных сродкаў, занятых у камерцыйных перавозках пасажыраў, — 7833.

А больш за 1700 уладальнікаў аўто атрымалі дазвол праз адзіны партал электронных паслуг.

У арганізацыі расказалі пра найчасцейшыя няспраўнасці на прыкладзе дадзеных па тэхаглядзе за снежань 2025 года.

За той месяц было выдадзена больш за 120 тыс. дазволаў, 98 тыс. (81,5%) — фізічным асобам. У той жа час на станцыі прыехалі на 18,4 тыс. аўто больш, аднак тэхагляд яны не прайшлі.

Транспартныя сродкі мелі неадпаведнасці ўстаноўленым патрабаванням рознага характару (27 250 неадпаведнасцяў).

У 40,7% выпадкаў прычынай адмовы сталі праблемы з тармазнымі сістэмамі. А 24,7% аўто мелі няспраўнасці вонкавых святлавых прыбораў.

Таксама ў 6,9% выявілі паломкі рухавіка, у 5,5% — праблемы з рулявым кіраваннем. Яшчэ 3,4% ад агульнай масы мелі неадпаведнасці ў хадавой частцы.

У «Белтэхаглядзе» нагадалі, што атрыманне дазволу з 2026 года стала даражэй з-за росту базавай велічыні. Яе значэнне дасягнула Br45 замест Br42.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com