Беларусы зноў пачалі скардзіцца на бульбу
8- 9.01.2026, 14:23
- 6,110
Якасць клубняў шакавальная.
У Беларусі пакупнікі ўсё часцей скардзяцца на якасць бульбы. Чарговая падстава для абмеркавання з’явілася ў Гродне.
У адной з крамаў горада жанчына засталася незадаволенай станам «другога хлеба» і апублікавала відэа ў TikTok. Журналісты tochka.by паглядзелі, што менавіта абурыла пакупніцу.
Паводле слоў жанчыны, яна збіралася купіць беларускую бульбу па цане Br1,01 за кілаграм, аднак якасць прадукту яе непрыемна здзівіла.
«Няўжо такое можа быць?» — задаецца пытаннем аўтар відэа.
Пакупніца лічыць, што такая бульба больш падыходзіць «на корм», чым для продажу. «Проста нейкі кашмар», — рэзюмуе яна.
@user24423695459370 #картошкадлябеларусов ♬ оригинальный звук - Юлия
Адзначаецца, што частка клубняў сапраўды была з глыбокімі трэшчынамі, а некаторыя ўжо пачалі прарастаць. У той жа час на прылаўку ўсё ж трапляліся і нармальныя клубні.
Відэа выклікала актыўную рэакцыю ў TikTok. Карыстальнікі актыўна спрачаліся: адны ўпэўненыя, што за такую цану якасць цалкам прымальная, іншыя настойваюць, што падобны тавар не павінен паступаць у продаж.
Сярод каментарыяў — самыя розныя меркаванні (арфаграфія і пунктуацыя аўтараў захаваныя):
— «Вырасьці сама, у чым праблема?»
— «Гэта кармовая. Такое не павінна паступаць у продаж».
— «Што вы хочаце за рубель купіць? На рынку купляйце».
— «У сэнсе: не падабаецца — не купляй! Існуюць патрабаванні да якасці прадуктаў, яны павінны выконвацца».
— «Цікава, міністры, дырэктары і начальнікі купілі б такую бульбу? Адназначна, не».
— «Бульбяны квэст 2026 лічу адкрытым. Ура, таварышы!»
— «Ніколі, наколькі памятаю, такой жудаснай бульбы не было. А дзе якасная бульба?»
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
