Трамп: ЗША сцерлі Іран з твару зямлі

Прэзідэнт ЗША заявіў, што не хоча здзелкі з Тэгеранам.

Прэзідэнт ЗША Дональд Трамп заявіў у Truth Social, што Злучаныя Штаты Амерыкі сцерлі Іран з твару зямлі. Ён сцвярджае, што Вашынгтон дасягнуў мэтаў раней за графік.

Па словах Трампа, амерыканскі журналіст і адзін з самых вядомых аўтараў па тэме нацбяспекі ЗША Дэвід Сангер — не мае рацыі ў тым, што Вашынгтон не дасягнуў мэтаў у аперацыі супраць Ірана.

Пры гэтым Дональд Трамп настолькі пахваліў сябе дасягненнямі, што кажа, што Іран хоча здзелкі, а ён — не.

«Злучаныя Штаты сцерлі Іран з твару зямлі, і ўсё ж іхні легкаважны аналітык Дэвід Сангер сцвярджае, што я не дасягнуў сваіх мэтаў. Так, дасягнуў, і на некалькі тыдняў раней за запланаванае! Іх кіраўніцтва знішчана, іх флот і ваенна-паветраныя сілы разбураныя, у іх няма ніякай абароны, і яны хочуць заключыць здзелку. Я — не!», — піша лідар ЗША.

Пасля Трамп чарговы раз заявіў, што Вашынгтон апярэджвае графік на некалькі тыдняў, а таксама раскрытыкаваў The New York Times (дзе працуе Дэвід Сангер) за «некампетэнтнае асвятленне выбараў». Прэзідэнт ЗША сцвярджае, што гэта выданне заўсёды памыляецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com