Без Будапешта: ЕС змяняе правілы з-за рызыкі ўцечак у Крэмль
14- 23.03.2026, 11:10
- 9,440
Еўрапейцы ўсё часцей выключаюць Венгрыю з далікатных абмеркаванняў.
Краіны Еўрапейскага саюза ўсё часцей абмінаюць Венгрыю пры абмеркаванні далікатных пытанняў, аддаючы перавагу вузкім фарматам кансультацый замест паўнафарматных сустрэч з удзелам усіх членаў ЕС.
Як паведамляе Politico са спасылкай на еўрапейскіх дыпламатаў і чыноўнікаў, такія захады звязаныя з асцярогамі ўцечкі канфідэнцыйнай інфармацыі з Будапешта ў Маскву. Падставай для ўзмацнення асцярожнасці сталі новыя падазрэнні ў магчымай перадачы дэталяў закрытых абмеркаванняў расійскаму боку.
Раней The Washington Post пісала, што міністр замежных спраў Венгрыі Петер Сійярта нібыта рэгулярна дзяліўся інфармацыяй пра перамовы ў ЕС з кіраўніком МЗС Расіі Сяргеем Лаўровым. У Будапешце гэтыя абвінавачанні адкідаюць.
Паводле даных крыніц, ЕС усё актыўней выкарыстоўвае нефармальныя фарматы супрацоўніцтва — такія, як E3, E4, NB8, Веймарскі трохкутнік і іншыя кааліцыі. У іх прасцей і хутчэй узгадняць пазіцыі, пры гэтым зніжаючы рызыку ўцечак і выключаючы ўдзел Венгрыі. Суразмоўцы Politico адзначаюць, што значная частка рэальнай дыпламатычнай працы цяпер адбываецца менавіта ў такіх групах.
У прыватнасці, Веймарскі трохкутнік аб’ядноўвае Францыю, Германію і Польшчу, NB8 уключае восем краін Паўночнай Еўропы і Балтыі, а JEF — дзесяць паўночнаеўрапейскіх дзяржаў. Формат E3 традыцыйна ахоплівае Вялікабрытанію, Францыю і Германію.
Былы кіраўнік МЗС Літвы Габрыелюс Ландсбергіс распавёў, што яшчэ ў 2024 годзе дыпламатаў папярэджвалі пра рызыкі перадачы інфармацыі венгерскім бокам. Паводле яго слоў, на сустрэчах з удзелам Петэра Сійярта ён і яго калегі свядома абмяжоўвалі аб’ём абмяркоўваных дадзеных.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
