Цынічная заява Лукашэнкі

На руках дыктатара — кроў украінскіх дзяцей.

Прымаючы ў сябе пасля перамоваў са спецыяльным пасланнікам ЗША прыдворную прэсу, Лукашэнка заявіў, што нібыта Меланія Трамп папрасіла яго перадаць Пуціну спіс украінскіх дзяцей, вывезеных у Расію.

— Прасіць мяне, каб пры сустрэчы з Уладзімірам Пуціным я перадаў гэты спіс, пагаварыў з ім, каб мы знайшлі ў Расіі гэтых дзяцей, якія, хутчэй за ўсё, уцяклі ад вайны. Знайшлі і аддалі Украіне, калі дзеці гатовыя і там гатовыя іх узяць на ўтрыманне. Гэта ж не проста Зяленскаму аддаць. Яму плюваць на гэтых дзяцей. Калі б яны былі яму патрэбныя, дык даўно ўжо скончыў бы гэтую вайну.

Гучала гэта максімальна цынічна. І не толькі таму, што вельмі хутка першая лэдзі ЗША адкрытым тэкстам назвала словы пра просьбу хлуснёй, піша «Салідарнасць».

Цынічна не толькі таму, што ў той момант, калі з-пад завалаў атакаванай радзільні ў Івана-Франкоўску даставалі целы маладога бацькі і яго нованароджанай дачкі, Лукашэнка спакойна гладзіў шпіца на хакейных трыбунах. Тым днём расіяне запусцілі па ўкраінскіх гарадах рэкордную колькасць сродкаў забойства.

Словы кіраўніка Беларусі гучаць удвая больш цынічна яшчэ і таму, што ніякім клопатам пра дзяцей там і не пахла. Гэта агучанае ім пасланне Крамля: капітуй — і вашыя дзеці перастануць паміраць. Не — тады мы працягнем.

І яны працягваюць забіваць дзяцей: 29 сакавіка ад дронаў і бомбы загінулі 13-гадовыя хлопчык і дзяўчынка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com