Беларусы збіраюць поўныя вёдры журавін у красавіку

На балотах Віцебскай вобласці.

Карыстальнікі TikTok чарговы раз уразілі каментатараў. Беларуска Вольга расказала, што ў доўгія выходныя назбірала на балотах Віцебскай вобласці некалькі поўных вёдраў журавін. Але паверылі ў гэта не ўсе: многія здзівіліся, як такое магчыма, бо ў красавіку журавіны яшчэ нават не пачынаюць цвісці.

Вольга сказала, што гэта Суражскі накірунак. Але дарога да балота вельмі дрэнная, бо яе разбілі лесавозы. Саму ягаду яна назвала «веснянкай».

«Онлайнер» вырашыў звярнуцца да спецыялістаў Цэнтральнага батанічнага сада Нацыянальнай акадэміі навук па каментар. Аказалася, збіраць журавіны вясной — даўняя традыцыя.

— Журавіны заўсёды збіралі вясной. Але, вядома, не свежыя, а тыя, што засталіся з мінулага сезона. Тыя, якія не склявалі птушкі і не з'елі звяры. Гэта быў адзін са спосабаў атрымаць вітаміны ў гэты перыяд.

Журавіны добра захоўваюцца, калі шмат снегу. Інакш да іх лёгка дабрацца птушкам і грызунам — напрыклад, мышы вылушваюць насенне. Увогуле для многіх жывёл яна служыць харчаваннем. Але гэтай зімой снегу было шмат, таму і ягад «перазімавала» шмат.

Мароз уплывае на якасць ягад. Восенню ягада кіслая і цвёрдая, пры адтаванні яна напаўняецца сокам, робіцца вадкай знутры. Вядома, біяхімічны склад ягады змяняецца, кіслоты руйнуюцца, яна становіцца саладзей. Але тым не менш карысць усё роўна застаецца, — расказала вядучы навуковы супрацоўнік Таццяна Курловіч.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com