WSJ: Перамовы аб спыненні агню паміж ЗША і Іранам зайшлі ў тупік

Тэгеран лічыць патрабаванні Вашынгтона непрымальнымі.

Намаганнi Пакістана і іншых краін рэгіёну па дасягненні спынення агню паміж ЗША і Іранам зайшлі ў тупік.

Пра гэта паведамляе The Wall Street Journal.

Паводле звестак выдання, Іран афіцыйна паведаміў пасрэднікам, што не жадае сустракацца з чыноўнікамі ЗША ў Ісламабадзе (сталіца Пакістана) у бліжэйшыя дні, дадаўшы, што патрабаванні ЗША непрымальныя.

Пры гэтым пасрэднікі кажуць, што Турцыя і Егіпет працягваюць спробы знайсці выхад з сітуацыі і разглядаюць новыя пляцоўкі для перамоваў, уключаючы Стамбул або сталіцу Катара Доху. Акрамя таго, краіны разважаюць над новымі прапановамі па пераадоленні тупіку.

Раней на гэтым тыдні прэзідэнт ЗША Дональд Трамп заявіў, што Іран запытаў спынення агню. Аднак сам Тэгеран гэта абвяргае.

Але, як адзначаюць крыніцы, Трамп даў зразумець, што ён адкрыты да прапановы аб спыненні агню, калі Іран адкрые Армузскі праліў.

Нядаўна пасрэднікі паведамілі, што ў пачатку апошняга раўнду дыпламатычных намаганняў Іран заявіў, што спыніць вайну толькі ў тым выпадку, калі ЗША выплацяць рэпарацыі, выведуць войскі з блізкаўсходніх баз, а таксама дадуць гарантыі, што больш не будуць нападаць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com