19 сакавiка 2024, aўторак, 8:46
Падтрымайце
сайт
Сім сім,
Хартыя 97!
Рубрыкі

Глыбоцкі ліцэй знайшоў крайняга

24

Навучальная ўстанова патрабуе абвяржэння сюжэту расейскага тэлеканала НТВ ад мясцовай газеты.

Кіраўніцтва глыбоцкага ліцэя настойвае на тым, што не адпраўляла вучняў на экстраную ўборку лёну з-пад першага снегу, пра што пісалі многія беларускія СМІ ў канцы кастрычніка, паведамляе прэс-служба БАЖ. Пра гэта гаворыцца ў лісце навучальнай установы, адпраўленым галоўнаму рэдактару выдання.

22 лістапада ў газеце пад рубрыкай «Эхо событий» быў размешчаны матэрыял, у якім паведамлялася: «Расейскі тэлеканал «НТВ» у выпуску навінаў паказаў, як навучэнцаў прафліцэя прымушалі ратаваць лён з-пад снегу, але з-за цэнзуры ў Беларусі гэты сюжэт не паказалі».

Такі сюжэт сапраўды быў падрыхтаваны журналістам «НТВ» Аляксеем Прокіным і 30 кастрычніка выйшаў у расейскі эфір.

Аднак пасля згадкі яго ў «Свободном Глубоком» кіраўніцтва мясцовага ліцэя звярнулася ў рэдакцыю за растлумачэннем і запатрабавала публічна абвергнуць згаданы факт. На думку кіраўніцтва і педагагічнага калектыву, «матэрыял «Панорама внутриобластных событий» напісаны беспадстаўна і падрывае аўтарытэт навучальнай установы".

У доказ сваёй правасці дырэктар ліцэя прыводзіць той факт, што першы снег на тэрыторыі раёна выпаў на выходных, а 29 кастрычніка ўсе навучальныя групы ўжо знаходзіліся на занятках.

Цікава, што ніякіх прэтэнзій да самога расейскага тэлеканалу «НТВ», які з'яўляецца першакрыніцай, Глыбоцкі дзяржаўны прафесійны ліцэй не выказвае.

Напісаць каментар 24

Таксама сачыце за акаўнтамі Charter97.org у сацыяльных сетках