Абітурыентаў з краін ЕўрАзЭС будуць браць у БДУ без экзаменаў

Усё, што ад іх спатрэбіцца - напісаць заяву і прыйсці на сумоўе.

У 2012 годзе грамадзянам Расеі, Казахстана, Кыргызстана і Таджыкістана прадастаўлена магчымасць паступіць у Беларускі дзяржаўны універсітэт без уступных экзаменаў, без здачы цэнтралізаванага тэставання і па-за конкурсам. Прыём дакументаў будзе доўжыцца да 15 кастрычніка, паведамляе «Інтэрфакс».

Беларускі дзяржаўны універсітэт прапануе абітурыентам з краін ЕўрАзЭС паступаць у ВНУ на ўмовах, прадугледжаных для замежных грамадзян, - па выніках сумоўя, якое ўстанаўлівае ўзровень валодання імі рускай мовай.

Навучанне платнае, але з інтэграцыйным каэфіцыентам, які зніжае ад 5 да 15% у залежнасці ад спецыяльнасці. Кошт: ад 2040 да 3560 даляраў ЗША ў год на дзённым аддзяленні і ад 1350 да 2160 даляраў у год - на завочным.

Працэдура паступлення для грамадзян Расеі і іншых краін ЕўрАзЭС максімальна спрошчаная: абітурыенты прыбываюць у БДУ і падаюць заяву на імя рэктара, арыгінал атэстата аб поўнай сярэдняй адукацыі, пашпарт і медыцынскую даведку аб стане здароўя. На працягу 1-2 дзён абітурыенты праходзяць сумоўе, пасля чаго заключаюць кантракт, аплочваюць навучанне і залічваюцца ў лік студэнтаў.