На выходных пахаладае

Сіноптыкі прагназуюць пахаладанне ў бліжэйшую нядзелю, прагназуецца мокры снег.

«Цёплае для гэтага часу года надвор'е пратрымаецца ў Беларусі яшчэ трое сутак, а ў нядзелю пахаладае», - паведаміў агенцтву «Інтэрфакс-Захад» у сераду начальнік службы метэапрагнозаў Зміцер Рабаў.

«З нядзелі ўладу над надвор'ем возьме паўночны складнік і з паўночных раёнаў пачне паступова халадаць. У нядзелю ноччу на большай частцы тэрыторыі, днём месцамі пройдуць кароткачасовыя дажджы, па поўначы рэспублікі - мокры снег. Тэмпература на працягу сутак будзе ў межах 1-6 градусаў цяпла», - распавёў Рабаў.

«А з панядзелка яшчэ больш пахаладае», - працягваў суразмоўца агенцтва. «Месцамі чакаецца кароткачасовы снег. На асобных участках дарог галалёдзіца. Тэмпература ноччу ад -4 да +2, па поўначы - да -7, а днём - 3 - +3», - адзначыў ён.

Кажучы пра надвор'е на бліжэйшыя дні, Рабаў паведаміў, што 21 лістапада, у чацвер, тэмпература паветра ноччу складзе ад +2 да +7, днём - ад 5 да 10 градусаў цяпла.

«У пятніцу-суботу ў многіх раёнах пройдуць дажджы. Ноччу і раніцай месцамі слабы туман. Тэмпература на працягу сутак - +3- +8, днём па поўдні да +10», - распавёў прадстаўнік Белгідрамета.