Пенсіі расейцаў укладуць у банкі, якія трапілі пад санкцыі

Замарожаныя пенсійныя ашчаджэнні за другую палову 2013 вернуць пенсійным фондам з умовай.

Яны павінны будуць укласці іх у паперы банкаў, якія трапілі пад санкцыі. Пенсійныя фонды ўжо абмеркавалі гэтую магчымасць з прадстаўнікамі ўлады і выказалі гатоўнасць дапамагчы, піша РБК.

Законапраект, паводле якога замарожаныя назапашванні будуць перададзеныя ў НПФ, цяпер знаходзіцца на разглядзе ў Дзярждуме. Грошы - амаль 440 рублёў павінны быць перададзеныя ў пачатку 2015 года пры ўмове, што фонды ўступяць у сістэму гарантавання. Раней намеснік кіраўніка Мінфіна Аляксей Майсееў казаў, што законапраект гатовы, але канчатковай пастановы аб вяртанні гэтых сродкаў НПФ ва ўрадзе пакуль няма.

Назапашвання будуць размарожаныя, калі НПФ выдаткуюць іх на дапамогу санкцыйным кампаніям і банкам, распавяла крыніца, блізкая да ЦБ, і пацвердзілі тры федэральныя чыноўнікі. «Грошы вернуць у сувязі з жаданнем фондаў інвеставаць атрыманыя назапашванні ў паперы банкаў, якія трапілі пад санкцыі. Гаворка ідзе аб узаемным жаданні фондаў і ўрада, але ніякага дырэктыўнага ўказу не будзе і не можа быць», - сказаў федэральны чыноўнік. Іншы федэральны чыноўнік сказаў, што пытанне абмяркоўваецца.

Майсееў распавёў, што гаворка ідзе пра падтрымку банкаў, якія трапілі пад санкцыі. «Цяпер мы разглядаем варыянты, як НПФ за кошт замарожаных пенсійных накапленняў за другую палову 2013 змогуць паўдзельнічаць у капіталізацыі санкцыйных банкаў. Разглядаем розныя варыянты, і пастанова яшчэ не прынятая, але самы зручны і для банкаў, і для НПФ спосаб - гэта субардынаваныя аблігацыі, якія ўлічваюцца ў капітале банка», - сказаў Майсееў. Паводле ягоных слоў, гэты інструмент можа быць уключаны ў інвестыцыйную дэкларацыю фондаў.

Сёння інвеставаць у субардынаваныя бонды пенсійныя фонды не могуць. НПФ могуць атрымаць магчымасць купляць паперы з больш высокай прыбытковасцю ў параўнанні з аблігацыямі, хоць і з больш высокімі рызыкамі (у выпадку банкруцтва банка субардынаваныя аблігацыі канвертуюцца ў акцыі, а іх трымальнік становіцца ў адну чаргу з акцыянерамі - у самую апошнюю).

Пад санкцыі ЗША і ЕЗ патрапілі ў асноўным банкі з дзяржудзелам - Газпромбанк, ВТБ, Россельхозбанк, Сбербанк ды іншыя. Яны пазбаўленыя магчымасці атрымліваць замежнае фінансаванне: замежным інвестарам забаронена купляць новыя выпускі папер. Бліжэйшыя паўгода расейскім кампаніям трэба будзе сплаціць $92,5 млрд. Калі рэфінансаваць запазычанасць на замежным рынку кампаніям не ўдасца, то для сплаты ім давядзецца выкарыстоўваць уласныя сродкі або рэсурсы ўнутранага рынку.