За ўвоз забароненых тавараў з ЕЗ у РФ хочуць канфіскоўваць аўто

Адказнасць за пастаўкі ў Расею праз тэрыторыю Беларусі забароненых да ўвозу з краін ЕЗ тавараў прапануецца зрабіць больш жорсткай.

Пра гэта паведаміў сёння журналістам начальнік галоўнага ўпраўлення замежнаэканамічнай дзейнасці Міністэрства сельскай гаспадаркі і харчавання Беларусі Аляксей Багданаў, адказваючы на пытанне карэспандэнта БелТА.

Са слоў Аляксея Багданава, на першым пасяджэнні сумеснай рабочай групы фітасанітарных і ветэрынарных службаў Беларусі і Расеі беларуская старана выступіла з прапановай зрабіць больш жорсткай адказнасць за незаконны рээкспарт праз Беларусь забароненых да ўвозу ў Расею тавараў. Гэтую ініцыятыву падтрымалі расейскія калегі. «У сапраўдны час меры адказнасці за незаконны рээкспарт прадугледжваюць вяртанне тавару на тэрыторыю Беларусі. Цяпер абмяркоўваецца пытанне, каб тавар, які ўвозіцца незаконна, і аўтамабіль, які перавозіць яго, падлягалі канфіскацыі», - сказаў прадстаўнік Мінсельгасхарча.

Першае пасяджэнне сумеснай рабочай групы фітасанітарных і ветэрынарных службаў Беларусі і Расеі, закліканай кантраляваць пастаўкі прадукцыі ў Мытным саюзе, праходзіць у Менску з 13 да 16 кастрычніка.