Харвацкі баксёр адправіў суддзю ў накаўт (Відэа)

Баксёр Віда Лончар, які ўдзельнічаў у моладзевым чэмпіянаце Еўропы ў боксе ў Заграбе, збіў арбітра пасля заканчэння бою.

Харват саступіў у сваім баі літоўцу Альгірдасу Баніулісу. Пасля таго, як Віда Лончар некалькі разоў пабываў у накдаўне, суддзя спыніў паядынак. Абодва байцы вярнуліся ў свае куты і знялі шлемы і пальчаткі. Нішто не прадвяшчала нечаканай канцоўкі.

Калі байцы выйшлі на сярэдзіну рынга для аб'яўлення пераможцы, Віда Лончар нечакана нанёс моцны ўдар рэферы, пасля якога суддзя рухнуў на рынг. Баксёр на гэтым не спыніўся і працягнуў наносіць удары.