«Лукойл» папярэджвае аб абвале здабычы нафты ў Расеі

Здабыча нафты ў Расеі да 2017 года можа скараціцца на 25-70 мільёнаў тон.

Гэта адбудзецца праз знясіленне радовішчаў у Заходняй Сібіры і недастатковага фінансавання бурэння новых радовішчаў. Пра гэта сказаў віцэ-прэзідэнт «Лукойла» Леанід Федун, выступаючы на нафтагазавым форуме, піша Reuters.

Расея займае першае месца ў свеце ў здабычы нафты, але мае праблемы з падтрыманнем аб'ёму здабычы праз знясіленне радовішчаў ў галоўных нафтапрамысловых рэгіёнах - Заходняй Сібіры. Іх месца павінны былі заняць рэсурсы цяжказдабывальнай і шэльфавых пакладаў, але крызіс у стасунках з Захадам праз Украіну зачыніў расейскім кампаніям доступ да тэхналогій і рынку капіталу, а зніжэнне міжнародных коштаў на нафту ставіць пад удар інвестыцыі ў галіну.

«Высокія тэмпы падзення здабычы нафты на пераходзячым фондзе свідравін абмяжоўваюць рост здабычы ў РФ. Падзенне здабычы на пераходзячым фондзе неабходна кампенсаваць новым бурэннем», - гаворыцца ў пададзеным на нацыянальным нафтагазавым кангрэсе Федуном дакладзе.

Расея павялічыла штодзённую вытворчасць нафты ў 2013 годзе на 1,4 адсотка, дасягнуўшы новага постсавецкага рэкорду - 523,276 мільёна тон супраць 518,02 мільёна тон у 2012 годзе, сведчыць статыстыка Мінэнэрга. Рост быў шмат у чым забяспечаны надаванню шэрагу праектаў падатковых ільгот.

Паводле вынікаў дзевяці месяцаў 2014 здабыча нафты і газавага кандэнсату ў РФ вырасла на 0,7 адсоткі адносна адпаведнага перыяду 2013 года - да 392,9 мільёна тон, паказалі звесткі ЦДУ ТЭК Мінэнерга.

Федун таксама сказаў, што прырост запасаў «Лукойла» паводле вынікаў 2014 «будзе большы за 100 адсоткаў», а ўзровень здабычы нафты кампаніі захаваецца або нязначна вырасце ў 2014 годзе і стабілізуецца ў 2015 годзе.

З ягонага прагнозу, узровень сусветнага кошту нафты да канца 2014 складзе $80-90 за барэль і ўтрымаецца ў гэтым дыяпазоне ў наступным годзе.