«Нафтагаз» пачаў купляць нарвежскі газ
27- 3.10.2014, 12:22
- 15,294
НАК «Нафтагаз Украіны» з 1 кастрычніка пачаў атрымліваць прыродны газ паводле кантракту з нарвежскай нафтагазаздабыўнай кампаніяй Statoil.
Пра гэта паведаміла агенцтву «Інтэрфакс-Украіна» крыніца ва ўрадзе.
З яе слоў, пастаўкі паліва вядуцца праз славацкі газавы калідор у аб'ёме блізу 12-15 млн куб м ў дзень.
«У сераду былі зробленыя першыя пастаўкі нарвежскага газу, аб'ёмы імпарту складаюць прыблізна палову магутнасці праз Славакію», - сказаў ён.
Суразмоўца агенцтва адзначыў, што дасягненне падобнай дамоўленасці дасць магчымасць забяспечыць дыверсіфікацыю паставак газу са стараны Еўропы.
У прэс-службе «Нафтагаза Украіны» пакуль не камэнтуюць інфармацыю.