Леанід Кучук: Прапаную пачаць усё з чыстага ліста

Галоўны трэнер "Кубані" пракаментаваў заяву заўзятараў з нагоды ягонага вяртання ў клуб.

Галоўны трэнер "Кубані" Леанід Кучук пасля трэніроўкі каманды падзяліўся меркаваннем аб пазіцыі заўзятараў адносна ягонага вяртання ў клуб, паведамляе "Прессбол".

- З якім настроем вы прыступілі да працы? Ранейшае раставанне з клубам выклікала занадта шмат пытанняў. Ды і не ўсе заўзятары ўспрынялі гэта вяртанне адназначна...

- Не здымаю з сябе адказнасці за падзеі, аб якіх вы кажаце, але тады абставіны склаліся так, што трэба было хутка прымаць рашэнне. Ці правільным яно было? Не выключаю, што паспяшаўся.

Мне выдатна зразумелая эмацыйная рэакцыя заўзятараў на маё вяртанне ў "Кубань", але прапаную забыць старыя крыўды і пачаць усё з чыстага ліста. Пра гэта мы гаварылі з прэзідэнтам клуба і губернатарам краю Аляксандрам Ткачовым. У рэшце рэшт, расставілі ўсе кропкі над i. Я ўдзячны кіраўніцтву клуба за давер, які мне аказаны.

Наперадзе ў "Кубані" матчы з лідарамі чэмпіянату, і цяпер трэба максімальна засяродзіцца на падрыхтоўцы да іх. Задача перад клубам стаіць сур'ёзная - выхад у еўракубкі, і я вельмі спадзяюся на падтрымку заўзятараў.

Нам важна вярнуць "Кубані" званне адной з самых наведвальных каманд прэм'ер-лігі, а для гэтага мы павінныя паказваць прыгожы, цікавы футбол. І я веру, што нам гэта па сілах, - сказаў Кучук.