Крышціяну Раналду пабіў рэкорд 79-гадовай даўніны (Відэа)
6- 4.11.2014, 19:27
- 17,156
Лідар мадрыдскага Рэала ў матчы з Гранадай устанавіў два рэкордных дасягненні.
Партугальскі нападнік мадрыдскага Рэала Крышціяну Раналду ўстанавіў чарговы рэкорд. Забіўшы гол у матчы з Гранадай, партугалец стаў першым гульцом у гісторыі "каралеўскага клуба", які забіваў у васьмі паядынках чэмпіянату запар, паведамляе sport.bigmir.net.
Раней рэкорд належаў адразу пяці гульцам адначасова, якія забівалі ў сямі сустрэчах без перапынку. Сярод іх - Ферэнц Пушкаш, Рууд ван Ністэлрой і Прэдраг Міятавіч.
Акрамя таго, забіўшы 17 галоў за ўсё за 10 тураў Прымеры, Раналду перасягнуў дасягненне легендарнага гішпанскага форварда Ісідра Лангары, якое трымалася 79 гадоў. У чэмпіянаце 1935-36 гадоў Лангара, гуляючы за Аўеда, вызначыўся за першых 10 тураў 16 разоў.